DDUNIT

​

A ddunit yettneqlaben
Mačči akka i telliḍ
Yeččur wudem-im d leḥzen
Amdan irkeb-it lɣiḍ
Yettidir deg yimeṭṭawen
Yezga fell-as usemmiḍ
Iḍleq-amin ifassen
Ulac d acu i as-d-tefkiḍ

Yeṭṭafaṛ teɣzi n wussan
Ixeddem am uzal, am yiḍ
Yedda akken ddan waman
Sked amkan ur yewwiḍ
Taggara-ines d iɣeblan
D tazmert-is i teččiḍ
Yettmektay-d ayen iɛeddan
Mi d-ibedd ad t-tesseɣliḍ

Win yesɛan trennuḍ-as
Win ur nesɛi d igellil
Wi ǧehden teslufuyeḍ-as
Win yuḍnen meskin aḥlil
Sber iɛedda tilas
S turdas i t-yettektil
Ziɣ tetthudduḍ tissas
Lmut wiss-n ma aɣ-t-qil?

Neḍṣa-yamin a ddunit
Kemm-i tugiḍ ad aɣ-d-teḍseḍ
Warǧin nemmuger talwit
Yal ass deg-neɣ tetteqseḍ
Si tenzayt ar tameddit
Kemm-i ad aɣ-d-sseḍmaɛeḍ
Fell-aɣ terriḍ tiseɣlit
Aṭas di mmedden i t-ɣurreḍ