AFRUX-IW

Afrux-iw deg yigenni
Yettεelli, yettɣenni
Yettɣenni s tayri
I warrac i d-ilulen
-Afrux-iw deg yigenni
Yettεelli, yettɣenni
Yettɣenni s tayri
I tullas i d-ilulen

Afrux-iw ɣef useklu
Γef yifurkan icennu
Icennu tayri
I warrac imecṭuḥen
-Afrux-iw ɣef useklu
Γef yifurkan icennu
Icennu s tayri
I tullas timecṭuḥin

Afrux-iw di tewrirt
Icennu s teqbaylit
Icennu tayri
I warrac imeẓyanen
-Afrux-iw di tewrirt
Icennu s teqbaylit
Icennu tayri
I tullas timẓyanin

Afrux-iw deg yigenni
Deg yigenni d ilelli
Icennu s tayri
I warrac imecṭuḥen
-Afrux-iw deg yigenni
Deg yigenni d ilelli
Icennu s tayri
I teḥdayin timecṭuḥin