TIFIDI

 

Ineggi yimru

Mi akken i d-yeɣli yiḍ

Uriɣ asefru

Keččini yid-i ur telliḍ

Iles-iw igezzem

Tira tcuba aḥlalas

Uriɣ asirem

Taggara mmegreɣ layas

 

Ẓuẓeɣ-k-id ar tama-w

Fkiɣ-ak azal

Tetturareḍ s wayla-w

Iɛedda fell-i uzaylal

Ziɣ kečč-i d azrem

D azrem mebla tisuqas

Iles-inek d ssem

Tesmendageḍ di tmenqas

 

Fkiɣ-akin ul-iw

D amdakel n sseḥ

Skecmeɣ-k ar wuxxam-iw

Teččiḍ tagulla d lemleḥ

Ass-a tbeddleḍ udem

Yid-i tɛeddaḍ tilas

Ul-iw ad ak-itezzem

Tbeddleḍ gar yiḍ d wass

 

Am kečč aṭas i yellan

Mačči d yiwen mačči d sin

Mi ssawḍen sayen akk bɣan

Ad ak-andin tiqerracin

Tetturareḍ deg yilem

Gar lexdeɛ akked tkerkas

Tleḥḥuḍ tikli n uzrem

Tenwiḍ-iyi d axemmas