NWALA

 

Nwala yal ci ibeddel

Nwala iẓri yemmundel

Nwala, nwala, nwala

Nwala terkebeɣ tawla

 

Nwala tafat mi tensa

Nwala tenhewwel talsa

Nwala  ṭṭlam mi d-yusa

Ala d-yettdeggir tilisa

Nwala, nwala, nwala

Nwala ur d-nenna ala

 

Nwala nuɣen watmaten

Nwala mi ttem-yewwaten

Nwala mi ten-ttcemmiten

Nwala imi ten-kkaten

Nwala, nwala, nwala

Nwala ur frint tilla

 

Nwala yumes ubernus

Nwala yerna nefka afus

Nwala  mi yenser waggus

Nwala mi tgezmen s lmus

Nwala, nwala, nwala

Nwala teḥjeb tmilla

 

Nwala iṭij n tmeddit

Nwala mi t-teffer tiɣilt

Nwala  tekna tgejdit

Nwala terreẓ teqbaylit

Nwala, nwala, nwala

Nwala tamurt mi texla