LMUT-IM

​

Mi d-nekker ṣṣbeḥ
Igenni yeččeḥ
A yemma… yemma...
Iẓri-w iserreḥ
Tasa-inu tejreḥ
Terkeb-iyi tawla

Teǧǧiḍ-d leḥzen
Jerḥen wulawen
A yemma… yemma...
Ttrunt-d wallen
Am iḥemmalen
Am ucercur n tala

Isem-im mazal-it
Yura s teqbaylit
A yemma… yemma...
Kemm-i d tigejdit
I yeddren tallit
S yiss-m i nella

Akka d ddunit
Anwa ur tewwi-t ?
A yemma… yemma...
Xas ṛuḥ a taɛzizt
Sgunfu di talwit
A tala n leḥmala